Chévere desenvolveu esta peza como parte da súa liña de teatro con perspectiva de xénero. Creada en 2011 e recuperada e actualizada en 2017 despois de tres anos fora de circulación, I’ll be watching you ten como obxectivos actuar na prevención da violencia de xénero e promover o pensamento crítico entre o público adolescente.

I'll be watching you fala dos valores que moitas veces se agochan detrás das baladas románticas, cuestionando os estereotipos ríxidos de home e de muller que non contemplan outras opcións, o mito do amor romántico e a entrega total, o sentimento de propiedade sobre a outra persoa, o acoso e a cosificación sexual da muller e a connivencia coa violencia. Fala das relacións de igual a igual fronte ás que non o son, da autoestima, da rebeldía, da necesidade de reacción das propias mulleres e dos hombes para poñer fin á violencia de xénero.

O espectáculo transcorre da man de Yeni, vocalista dunha orquestra de pachanga, e Dami, o guitarrista da mesma formación. Veñen ofrecer unha gala matinal acústica, repasando o típico repertorio de éxitos do pop, da música latina, reguetón e trap, esa música que soa en todas partes e é supuestamente neutral, apolítica. Entre tema e tema, Yeni introduce o relato da súa propia experiencia vital como muller, facendo participar ao público dunha nova e crítica lectura dos valores que transmiten as cancións que canta.