Actor (Salcedo, Pontevedra 1977)

Afincado en Santiago desde o ano 2000, licenciado en Historia da Arte pola USC, foi cofundador das compañías Belmondo (1999), Arrepentimentos de Padrón (2002) e Pistacatro (2005).

Entra en contacto con Chévere e coa Sala Nasa no ano 2000 converténdose en colaborador da Ultranoite ata o ano 2018 e posteriormente formando parte do equipo base da mesma. Formou parte do elenco de Escapárate (2008), de Eurozone (2013), Chelo paseo nº1 (2016) e o seu espectáculo Salvador (2017) forma parte da experiencia da Berberecheira.

Ten traballado en numerosas producións escénicas dirixidas por Pedro Fresneda, Xron, Quico Cadaval, Ana Vallén, Hernán Gené, Marta Pazos, Carlos Álvarez Ossorio e Ángel Santos entre outros.

Como músico forma parte do grupo Es un árbol (2005) e o colectivo Metamovida (2012).

Actualmente está rematando o Mestrado da Dramaturxia da UNA, Universidade das Artes de Buenos Aires.